Совети - Задолженија - Како до ...

Совети

Пари. Ако е возможно да си заштедите одредена сума на пари, да не бидете зависни за било каква ситница од фамилијата. Бидете претпазливи, можеби првиот месец нема да Ви биде платен веднаш, па би било паметно од дома да си земете барем за почеток патни чекови - (но сериските броеви оделете ги од чековите во случај на кражба). Кредитна картичка би Ви била од голема корист кога сте во странство, на нејзе би можеле и понатаму да си ја ставате заштедата.

Припрема. Како што се приближува денот на тргнување, ќе треба да ја сортирате гардеробата која најмногу и одговара на климата од државата во која ќе заминете. За жешките земји земете си барем еден пар лесни сандали или апостолки кои ќе им овозмаожат на стопалата да дишат. Природна, памучна облека е многу посоодветна од синтетичката во топлите клими од истите причини. Исто така треба да бидете свесни дека модата не е иста во сите земји. За ладните земји - клими спакувајте си термо под-облека, два пара ракавици и капа. Капут и чизми исто така се неопходни. Ако немате соодветна облека тогаш е подобро да почекате па да си купите облека таму кога ќе пристигнете, бидејки секогаш има некои попусти и облеката не е многу поскапа одколку кај нас, а можеби и од фамилијата ќе Ви подарат нешто за почеток, за да не носите многу работи со себе. Обидете се да не се претоварувате зошто при крајот на Вашиот престој ќе соберете уште многу облека. Сигурно дека ќе помине некое време пред да се вклопите во фамилијата и околината, па така за почеток сконцентрирајте се воглавно на Вашите работни должности. Секогаш можете да ни пратите писмо по пошта или е-маил ако има некој проблем. На некои лица им е најудобно кога се облечени во фармерки или шорцеви и кошули, но Вие ќе мора сепак да се прилагодите и договорите со фамилијата кај што ќе бидете сместени. Затоа што и да одлучите обидете се да изгледате секогаш пристојно и преставително.Не би било наодмет да си понесете со себе добар речник или некој добар кувар со интересни рецепти од нашата земја. Избегнувајте да носите со себе електрични апарати, бидејки скоро се што ќе Ви биде потребно ќе Ви биде обезбедено таму. Можете да си понесете некои мали спомени од дома како на пример слики од најблиските кои кога ќе си ги ставите во Вашата нова соба ќе Ве потсетат на домашната атмосвера. Добра идеја е да им се купи на децата кои што ќе ги чувате мал подарок како знак на внимание. Ова не треба да е скап подарок, може да биде мал сувенир од нашата држава.

Патување. Само во ретки случаеви фамилијата плаќа за Вашето патување, но скоро секогаш Вие треба сами да си купите повратна авионска карта. Авионските билети можеме и ние да Ви ги резервираме и да Ви најдеме најдобар избор, но можете и сами се разбира. Секако фамилијата ќе се согласи да Ве чека на аеродром, па промени во последен момент на авионски летови не се најдобар избор. Секогаш е подобро да имате отворена резервација.

Сместување. Ако веќе сте разговарале со фамилијата по телефон и сте се запознале малку, пристигнувањето не би требало да биде толку трауматично, бидејки ќе знаете што да очекувате. Но во секој случај ќе имате детални инструкции пред поаѓање како изгледа човекот или жената што ќе ве пречека на аеродром. Важно е да имате во озбир како изгледате на самото пристигнување. Никој не очекува од Вас да изгледате како манекен-ка, но дајте се од себе. Одберете удобна облека која нема да изгледа многу стуткано по долгиот пат. Соодветен парфем или дезодоранс секако ќе Ве освежи, специјално ако сте требале да спиете во алишта. Знаејки дека изгледате најдобро, ќе дадете впечаток и позитивна слика, а со тоа ќе Ви се зголеми самодовербата.

Кршење на мразот. Немојте да мислите дека е тоа само нивно задолжение. Знајте дека има различни култури и карактери на луѓе од кои некои се посрамежливи. За да ја преболите Вашата сопствена срамежливост фокусирајте се на децата. Никој нема да очекува од Вас некој голем говорник и добар познавач на јазикот, но би можеле да започнете мал разговор, на пример за нивната земја, можете да споредувате со нашата, но секако без критики. Ако на децата на самиот почеток им обратите доволно внимание, тие први ќе Ви помогнат и ќе Ви се најдат. Без оглед колку сте изморени од патот поминете некое време со фамилијата во дружење и запознавање од учтивост пред да си отидете во Вашата соба. Најверојатно ќе Ве прошетаат низ куќата и ќе Ви понудат освежување. Покажете добра воља за помош за било што иако сте толку уморни што најверојатно би си легнале на спиење, но никој не очекува работа од Вас уште првиот ден. Најчесто фамилиите очекуваат првото јадење да биде заедничко за да се запознаете подобро. Секогаш понудете помош околу садовите пред да се повлечете во Вашата соба. Најдобро е, пред да си легнете да се распакувате и да си ја средите собата најубаво, за да Ви биде што попријатно кога ќе станете од спиење следното утро.

Вашиот прв ден. Вашата прва цел би требала да биде, што побрзо да ја научите рутината на семејството и да се вклопите во неа. Немојте да се обидувате било што да менувате во таа смисла. Еве неколку приоритетикои треба да ги знаете. 1. Да ги запишете мобилните и обичните телефони на родителите и од децата. 2. Направете листа на телефонски броеви за хитни случаеви и нека Ви бидат при рака. 3. Пронајдете ги кутиите за прва помош и др. 4. Научете како да управувате со неопходните електрични апарати. 5. Прашајте каде се наоѓаат резервните клучеви од куќата. 6. Забележете си ако има некои куќни правила. 7. Дознајте кога ќе Ви биде плаќано и колку и на кој начин. 8. Прашајте кога ќе Ви биде првиот слободен ден за да можете да си планирате со радост.

Децата Во почетокот можеби ќе им биде тешко на децата да се прилагодат на Вас, но ќе треба да работите тешко за да ја заработите нивната доверба и соработка. Првите неколку недели се најважни во остварувањето на добра врска и здрава основа за добар однос со децата. Една од најдобрите работи што можете да ја направите е да бидете што е можно повеќе флексибилни како во однос со децата така и со домашните задачи. Не мора да ја имитирате претходната АuPair или нивната мајка. Ако децата се тешки на почеток, обидете се да избегнувате караници колку е можно повеќе и направете да им биде забавно соработувајки со Вас. На пример ако намерно се влечкаат наутро во нивното облекување, обидете се тоа да го претворите во трка кој прв ќе се облече, а наградата следува после доручекот. Исто така може да се преправате дека сте зависни од нив и неможете во ниеден случај, ништо да направите без нивна помош. Направете да се чуствуваат корисно и добро со тоа што ќе Ви помагаат и ќе Ви покажуваат кое кај се наоѓа, на пример училиштето итн. Понекои дечиња ќе бидат нервозни секогаш кога ќе им се приближите на почетокот, но тие тоа не го прават намерно, но се чуствуваат несигурно. Обидете се да бидете толерантни и не дигајте врева околу тоа, ќе им помине. Наместо тоа вклучете ги во некоја игра која ќе им го одземе вниманието. Можеби можете да почнете со моделирање со пластелин или редење на коцки, па ако ги интересира и тие ќе сакаат да учествуваат во играта. И пред да знаете ќе се спријателите и Вашето пријателство ќе почне да расте како замок од коцки. Сигурно, во секој случај ќе биде потребно многу трпение, но на крај ќе бидете наградени за Вашиот труд.

Поинаква култура Една од најтешката работа со која ќе се сретнете првата недела е културниот шок. Ова ги напаѓа сите што нагло ја напуштиле својата земја, смениле начин на живот, различни обичаи, па и различна храна. Најдобро е да разговарате за тоа и за проблемите со кои ќе се сретнете, неголи да мислите дека од фамилијата знаат да читаат мисли, како се чуствувате Вие. Разговорот со нив, за нивните обичаи и култура и начин на живот во голема мера ќе Ви помогне да ги сватите и прифатите, па во скоро време ќе мислите за некои од нив и дека се подобри од нашите. Најдобро е добро да се информирате за фамилијата и земјата во која што одите пред да заминете за да не бидете премногу изненадени. Ако сте вегетаријанец или медитирате известете ја претходно фамилијата. Во секој случај ќе имате своја соба и своја приватност и интима, во која што ќе можете да се одморите и релаксирате.

Совети - Задолженија - Како до ...

Задолженија Работата се состои во општа, лесна домашна работа и ќе вклучи пеглање, прашина бришење, работа со правосмукалка, средување на садовите во машина за садови, спремање на кревети, едноставно готвење, пазење на децата. Понатаму ќе вклучи и бејбиситинг (чување на децата ), во вечерните часови.Сите апликанти ќе имаат најмногу 2 а најмалку 1 целосно слободен ден, понекогаш слободно попладне и вечера.

Здравје Сите апликанти би требале да испратат медицински потврди, во кои матичниот лекар ќе наведе детално се за Вашата здраствена состојба.

Број на работни часови Број на работни часа се 5-6 часа секој ден, 5 дена во неделата (максимум 30 часа неделно) и бејбиситинг 2-3 пати неделно во текот на вечерните часови. Можни се промени во работните часови , а се зависи од Вашиот договор со фамилијата.

Курсеви за јазици Апликантите сами си ги плаќаат патните трошоци, трошоците околу добивање на виза (За Холандија плаќа фамилијата домакин), како и часовите по јазик ако сакаат да ги посетуваат за време на престојот како АuPair (Во Германија ,Холандија и Франција ги плаќа фамилијата домакин), а такви училишта, колеџи ги има насекаде и во голем број. Меѓутоа пак се зависи од договорот со фамилијата - значи оставаме на флексибилност во договарањето.

Полиција Ништо страшно, само ќе треба да се пријавите во рок од 7 дена одкако ќе пристигнете во земјата каде ќе престојувате како АuPair, како странски државјанин каде ќе Ви даде полицијата документ за престој во нивната држава.

Што е AuPair ? Аupair ( бејбиситер) значи, млад човек од кој сака да патува и да стекнува нови искуства. Млади кои ќе имаат шанса да живеат со туѓо семејство, во странска земја, земја која тие ќе ја одберат, кои нема да бидат третирани како домашни помошници, туку како дел од фамилијата нешто како постари браќа или сестри. Мора да биде на возраст помеѓу 17 - 27 години. Мора да има минимално познавање на јазикот од земјата во која сака да патува. Ако имате возачка дозвола, а се препорачува, на располагање ќе Ви биде оставен автомобил. Најголем број од нашите апликанти уживаат во нивниот престој, се привикнуваат и сместуваат удобно со нивните фамилии, со минимални потешкотии. Ние се надеваме дека и Вашето искуство ќе биде такво и дека Вашиот престој ќе биде најдобар.

Зошто да бидам AuPair? Зошто - има повеќе причини, но сепак Вие ја знаете најдобрата за Вас. За мене лично најдобра причина е таа што ќе доживеам еден вид на авантура, а втората е што ќе имам можност да бидам во околина на едно или повеќе деца, бидејки децата се нашето најголемо богатство. Во секој случај големо искуство во животот на еден млад човек, продлабочување на знаења на јазик и други искуства. Вреди да се доживее бидејки животот е еден и треба да го живееме, а не да го посматраме од страна. Џепарлакот за секој AuPair од 1.1.2006 година за тие 30 часа неделно е околу 300 евра, а сепак се зависи во која земја ќе одберете да патувате и од индивидуалниот договор со фамилијата. А секако тука постои и можност за дополнителна работа во слободно време.

Информации за визи Секој озбилен кандидат, пред да аплицира кај нас и да најде фамилија кај која ќе престојува, би требало претходно да се распраша во Амбасадата на соодветната држава за потребните документи за виза. На пример за аплицирање за добивање на виза за aupair за Англија се потребни следните документи: пасош; 2 слики; резервација за повратен авионски билет; потполнет формулар од амбасадата; гарантно писмо од фамилијата домакин; писмо од агенција; уплата за визата во денари; за студенти, потврда од факултет; за нестуденти, потврда за плата Ваша и на Вашите родители. Телефонскиот број од Англиската Амбасада е 02/3-299-299. Повеќе информации на Англиски линк. Меѓутоа нешто многу важно морам да потенцирам тука ние како агенција не сме во можност да Ви гарантираме дека одкако ќе добиете од кај нас гарантно писмо, потребните документи, контакт со фамилијата (телефонски броеви и адреса), дека соодветната амбасада со гаранција ќе Ви даде и виза. Тоа неможеме никако да Ви го гарантираме. Тоа понатака зависи од Вас, од Вашата снаодливост, знаење и на крај среќа.

Совети - Задолженија - Како до ...

Можам ли и јас да бидам AuPair?

Секако дека можеш. Само цврста желба за тоа што го сакаш и тоа ќе се остари, меѓутоа мора да ги исполнуваш условите како што е возрасната граница, минимално познавање на јазикот, лесна регистрација на нашата страна и секако да ги доставите и соберете сите потребни документи (бидејки за непотполни регистрации не почнуваме да бараме фамилија) а тоа се: Како прво бесплатно регистрирање кај нас, 2 напишани препораки (од учител, свештено лице, фамилија кај која сте помагале околу куќни работи, чување на деца итн., само да не е роднина) 1 медицинска потврда (едноставна и основна потврда е доволна, која потврдува дека сте во добро здравје и спремни за работа, издадена секако од Вашиот матичен лекар) 1 фотографија големина како за пасош ( Ве молиме насмевнете се) 1 писмо до фамилијата или по популарно Dear family letter (во кое се преставувате себеси, ни ги кажувате сите важни информации кои сметате дека се важни за да Ви најдеме што може подобра фамилија за Вас), копија од валиден пасош до времето на враќање од земјата, копија од возачка дозвола ако ја имате, копија од курсеви за јазици ако сте посетувале некои. Ние како агенција имаме сместено многу апликанти до сега. Ние сме свесни за некои потешкотии кои понекогаш можат да се појават и секогаш сме спремни да Ви помогнеме. Ќе ни биде од голема помош, ако ни пишувате на е-маил за некои од проблемите со кои сте се сретнале до сеа. Ако Вашите проблеми со фамилијата не бидат решени во брзо време нашата агенција партнер во земјата во која престојувате ќе Ви најде друга фамилија. Освен во најекстремни случаи, секогаш ги молиме и фамилиите и AuPair да ни остават простор од 14 дена пред да се најде замена. А во случај да излезе дека е виновен AuPair за проблемите нема да му биде најдена нова фамилија и ќе биде депортиран дома.

Цени и услови Почитувани, апликантите мора да бидат помеѓу 17 и 27 години, без обврски. И тоа варира за секоја држава е посебно. За машките во глобала е потребно повеќе време за да се најде соодветна фамилија и треба да имаат повеќе трпение во секој случај. Минималниот престој е три месеци, но повеќето фамилии бараат престој од 6 месеци па и повеќе. За време на летните месеци , кога повеќето фамилии се на одмори, Ве молиме побарајте работни места кај фамилии најмалку три месеци порано. Бидејки тогаш е најмала побарувачката. Значи три чекора: Првиот: Бесплатна регистрација и испратете слика. Вториот: Ако сте решени и озбилни да одите во странство, мора да уплатите на нашата жиро сметка, 3.000,00 денари и да ни ги испратите останатите документи и ние ќе почнеме да бараме фамилија за Вас и за 15 до 30 дена најмногу, зависи во кој дел од годината бараме, а и од условите ќе најдеме соодветно семејство за Вас. Третиот: Ќе мора да дојдете кај нас во канцеларија и да доплатите за услугата уште 5.300,00 денари и веднаш во истиот момент ќе го добиете гарантното писмо од фамилијата кај која ќе одите, а со кое и со останатите потребни документи ќе аплицирате за Виза. Повторувам ние не гарантираме дека соодветната амбасада ќе Ви одобри виза, понатамошната постапка зависи целосно од Вас. Се останува на Вашата снаодливост пред службениците во Амбасадите (убедливост и решителност) без трема, и секако ќе мора да ги обезбедите сите неопходни документи. Дополнително известување: одкако ќе уплатите за да одпочне самата процедура побрзо Ве молиме да не известите со број на трансакција од банката по емаил. Кога некој ќе се пријави кај нас за да му најдеме работа во Германија како aupair односно одкако ќе се регистрира кај нас, ќе мора да дојде кај нас во аѓенција на едно кратко интервју. Ако воопшто не го познавате германскиот или англискиот јазик доволно е 2 месеца да платите часови во некое училиште за јазици за да се стекнете со едно основно познавање или да се подсетите на она што сте го учеле во училиште дури ние Ви ги спремаме документите за пат. Веднаш потоа бараме во нашата база на податоци кое е содветно семејство за него или неа. Го обавестуваме семејството по е-маил или телефон а исто така и агенцијата партнер од земјата каде сте аплицирале. Ако на семејството му одговара нашиот кандидат, му го даваме неговиот број и е-маил за да они самите остварат првичен контакт и еден мал разговор. Ако после овој разговор и двете страни се задоволни на кандидатот му се јавува уште еднаш мојата колешка од Германија (доколку сте аплицирале за Германија) која мора да го утврди нивото на познавање на германскиот јазик на кандидатот, што нема да биде воопшто страшно бидејќи се бара едно основно познавање на германскиот, а плус е ако го познавате и англискиот јазик. Понатака ако се е во ред треба они да ни ги испратат кај нас во агенција сите документи потребни за аплицирање за виза. А кога ќе пристигнат ние ќе Ве известиме да дојдете да си ги подигнете документите и да платите за целата Програма вкупно 135 евра. Во амбасадата (таму се плаќа 35 евра за аплицирање за виза) исто така кандидатите одат лично на едено кратко интервју каде што ќе мора да разговараат со службеникот од амбасадата за тоа каде ќе одат и кај кого, ќе треба да ги знаат информациите за семејството кај кое ќе одат и преку која агенција се ангажирани. Ако си одговорат на сите прашања без трема и слободно ние гарантираме дека ќе добијат виза. Совети - Задолженија - Како до ...